Blossom yn PCYDDS
Enw: Emmi Joy
Cwrs: BA mewn Patrwm Arwyneb a Thecstilau
Astudiaethau Blaenorol: Celfyddydau Cynhyrchu a Thecstilau Safon Uwch yng Ngholeg Castell-nedd
Tref eich cartref: Glyn-nedd
Profiad Emmi ar BA mewn Patrwm Arwyneb a Thecstilau
Beth oedd eich hoff beth am gampws Abertawe?
Fy hoff bethau ar y campws oedd y gofod stiwdio ardderchog y cawsom ni weithio ag e a’r ystod eang o offer oedd ar gael i ni ar y cwrs hwn a’r gofod llyfrgell ardderchog ar y campws arall a oedd yn wych ar gyfer astudio ac ymchwil modylau.
Pam y gwnaethoch chi ddewis PCYDDS?
Dewises i PCYDDS oherwydd nad oes llawer o fersiynau o’r cwrs hwn yn y wlad, hwn oedd yr un mwyaf hygyrch i mi, ac roeddwn i wedi gweld rhywfaint o’r gwaith i ddod allan o’r cwrs a oedd yn ddiddorol dros ben. Roeddwn i’n teimlo y byddai’n fy ngosod i gydag ystod eang o sgiliau y gallwn ni eu defnyddio yn unrhyw weithle lle bydda i’n glanio.
Beth y gwnaethoch chi fwynhau ei wneud tu allan i’ch astudiaethau?
Yn ystod fy astudiaethau, roeddwn i’n mwynhau mynd am dro o amgylch llwybrau lleol a’r traethau a chwarae gemau bwrdd yn y siop gemau leol gyda fy ffrindiau, yn ogystal â gwerthfawrogi bywyd nos Abertawe ar Stryd y Gwynt o bryd i’w gilydd.
Beth ydych chi’n ei wneud nawr, sut y gwnaethoch chi gyrraedd y fan honno ac a yw eich cwrs wedi eich helpu gyda’ch gyrfa?
Rwy’n gobeithio sefydlu fy musnes llawrydd bach fy hun gan weithio yn fy ardal leol i greu printiau a chynhyrchion tecstilau eraill, er mwyn helpu i danio’r economi leol. Rwy am ymsefydlu gyda bywyd syml a chreadigol a mwynhau mwy o gerdded a theithiau o amgylch y byd.
Beth oedd eich hoff beth am y cwrs?
Fy hoff beth am y cwrs yw’r amrywiaeth eang o sgiliau ac offer rydych chi’n dysgu amdanyn nhw. Mae sgiliau mewn sgrin-brintio i weldio smotiau wedi rhoi ystod eang o bosibiliadau i mi ar gyfer fy ngwaith a chyfeiriad gyrfa posibl, gan roi’r rhyddid i mi wneud fy ngwaith yn unigryw ac yn wahanol i eraill. Ar ben hynny, mae’r gallu i weithio gyda brandiau go iawn yn ystod y profiadau briffiau byw ar y cwrs yn rhoi cyfle gwych i ni brofi rolau bywyd go iawn ac yn ein hagor i gysylltiadau â’r brandiau hyn yn y dyfodol.
A fyddech chi’n argymell PCYDDS a pham?
Byddwn i’n argymell PCYDDS gan fod ganddyn nhw ystod ardderchog o aelodau staff sydd bob amser yn hapus i helpu a bod ganddyn nhw ystod wych o bosibiliadau a chyrsiau sy’n addas ar gyfer ehangder o ddiddordebau a gofynion pobl.
News
Mae Sarah Davies yn myfyrio ar ei dychweliad i addysg ar ôl 18 mlynedd, yn astudio Patrwm Arwyneb a Thecstilau. Mae’r blog personol hwn yn archwilio sut y bu briffiau byw, interniaethau a phrofiadau diwydiant, gan gynnwys Laura Ashley, yn ei helpu i ailadeiladu hyder, llywio ei chyfeiriad creadigol a pharatoi ar gyfer graddio a gyrfa yn y diwydiant dylunio.
Mae Prifysgol Cymru Y Drindod Dewi Sant (PCYDDS) yn cefnogi’r gydnabyddiaeth lwyddiannus mae Abertawe wedi’i chael fel Dinas Bioffilig drwy gyfranogiad dwy o'i chanolfannau ymchwil: Canolfan Arloesi Technolegau Cynorthwyol (ATiC) a Chanolfan Ymchwil UNESCO-MOST BRIDGES. Gyda'i gilydd maent yn cyfrannu arbenigedd ymchwil, ymgysylltiad myfyrwyr ac arloesedd cydweithredol i helpu i roi natur, llesiant a meddwl cynhwysol wrth wraidd datblygiad trefol yn Abertawe.
Mae myfyrwraig drydedd flwyddyn mewn Patrymau Arwyneb a Thecstilau yn adlewyrchu ar y Graduate Symposium, gan archwilio sgyrsiau diwydiant, briffiau byw, a theithiau gyrfa cyn-fyfyrwyr. O interniaethau a chyngor ar eiddo deallusol i lwybrau gyrfa ysbrydoledig, roedd y digwyddiad yn cynnig mewnwelediad gwerthfawr, hyder a chyfeiriad ar gyfer bywyd ar ôl graddio.
Bydd myfyrwyr o Brifysgol Cymru Y Drindod Dewi Sant (PCYDDS) yn cyflwyno eu prosiectau mawr terfynol yr haf hwn yn rhan o Arddangosfa Haf 2026 y Brifysgol. Bydd y rhaglen yn lansio gydag arddangosfeydd Coleg Celf Abertawe fydd yn agor ar 15 Mai yn Abertawe, a bydd yn parhau ar draws Caerfyrddin, Caerdydd a Llundain hyd at fis Gorffennaf.
Mae'r artist adnabyddus Julia Griffiths Jones wedi bod yn gweithio gyda myfyrwyr BA Patrwm Arwyneb a Thecstilau fel rhan o gyfres o ddigwyddiadau i nodi dathliadau Dydd Gŵyl Dewi yng Ngholeg Celf Abertawe y Drindod Dewi Sant.
Mae Emily Elias, un o raddedigion Patrymau Arwyneb a Thecstilau (BA Anrh) Prifysgol Cymru Y Drindod Dewi Sant (PCYDDS) (Dosbarth 2025), wedi arddangos ei gwaith ar lwyfan rhyngwladol ar ôl cael ei dewis ar gyfer yr Ardal Talent Newydd yn Heimtextil, ffair fasnach ryngwladol fwyaf blaenllaw’r byd ar gyfer tecstilau mewnol, a gynhaliwyd eleni yn Frankfurt, yr Almaen.
Cynhaliodd Coleg Celf Abertawe Prifysgol Cymru Y Drindod Dewi Sant (PCYDDS) arddangosfa o waith myfyrwyr Patrymau Arwyneb a Thecstilau a ddatblygwyd mewn ymateb i friff byw yn y diwydiant gan frand eiconig o Brydain, sef Laura Ashley.
Mae cymryd rhan yng Nghystadleuaeth Sgiliau Cymru yn profi i fod yn garreg camu allweddol i fyfyrwyr sy'n mynd ymlaen i addysg uwch ym Mhrifysgol Cymru Y Drindod Dewi Sant (PCYDDS). Trwy brofi cyfleusterau, amgylcheddau addysgu a briffiau creadigol lefel prifysgol yn uniongyrchol, mae myfyrwyr yn gallu gwneud dewisiadau hyderus a gwybodus am eu dyfodol academaidd a phroffesiynol.
Mae Georgia McKie, Rheolwr Rhaglen ar gyfer Patrwm Arwyneb a Thecstilau yng Ngholeg Celf Abertawe, PCYDDS, yn angerddol am baratoi myfyrwyr ar gyfer realiti'r diwydiannau creadigol. Yn yr erthygl hon, mae hi'n archwilio sut mae cydweithio diwydiant yn cyfoethogi addysg greadigol, yn datblygu graddedigion sy'n barod ar gyfer y dyfodol, ac yn dathlu'r bartneriaeth ddiweddar rhwng Coleg Celf Abertawe a'r brand Prydeinig eiconig Laura Ashley.
Mae myfyrwyr o'r cwrs Patrymau Arwyneb a Thecstilau yng Ngholeg Celf Abertawe, Prifysgol Cymru Y Drindod Dewi Sant (PCYDDS), yn cychwyn ar waith cydweithredol newydd cyffrous gyda'r brand Prydeinig eiconig Laura Ashley, a lansiwyd i ddathlu yr hyn a fyddai wedi bod yn ben-blwydd y dylunydd yn 100 oed.
