Hafan YDDS - Astudio Gyda Ni - Cyrsiau Israddedig - Systemau Electroneg Mewnblanedig (BEng, HND, HNC)
Wrth i dechnoleg symud yn ei blaen, mae pwysigrwydd peirianneg drydanol ac electronig yn cynyddu’n sylweddol. Drwy astudio ein gradd Systemau Electronig wedi’u Mewnosod, fe gewch ddealltwriaeth hanfodol o brif elfennau a nodweddion systemau cyfrifiadurol a gwybodaeth gadarn am offer dadansoddi cylched a rhwydwaith hanfodol trwy ymddygiad cydrannau yn y byd go iawn. Byddwch hefyd yn dysgu i gymhwyso’r offer hyn mewn amgylchedd ymarferol.
Nod y rhaglen hon yw adeiladu dealltwriaeth systematig o agweddau allweddol ystod o gysyniadau, egwyddorion, a thechnolegau cysylltiedig â systemau wedi’u mewnosod a thechnolegau cyfathrebu, y mae rhai ohonynt ar reng flaen y ddisgyblaeth.
Cewch eich cyflwyno i luniadau meddalwedd, ac i ddatblygiad meddalwedd, gan ddefnyddio iaith rhaglennu C ar gyfer cymwysiadau wedi’u mewnosod a chael dealltwriaeth o gysyniadau sylfaenol ac egwyddorion microbroseswyr, microreolwyr a’r modylau perifferol cysylltiedig a thechnegau rhyngwyneb a ddefnyddir i greu systemau rhaglenadwy sy’n gallu gwneud tasgau fel monitro, cyfathrebu a rheoli.
Yn ystod eich cwrs byddwch yn adeiladu dealltwriaeth fanwl o ddull dylunio a gweithredu systemau microreolwr a ddosberthir a’u cymhwysiad i ddyfeisiau a systemau electronig modern. Byddwch yn datblygu’r sgiliau i ddatrys problemau neu i fodloni cyfres o ofynion. Yn ogystal â gwybodaeth bwnc-benodol, byddwch hefyd yn datblygu’r sgiliau trosglwyddadwy sydd eu hangen yng nghyd-destun cyflogaeth, gan gynnwys sgiliau gweithdy.
Systemau Electroneg Mewnblanedig (BEng Hons)
Cod UCAS: ING1
Gwnewch gais drwy UCAS
Systemau Electroneg Mewnblanedig (HND)
Rhaglen 2 Flynedd (Lefelau 4 i 5)
Cod UCAS: 1NG8
Gwnewch gais drwy UCAS
Systemau Electroneg Mewnblanedig (HNC)
Cod UCAS: G42F
Gwnewch gais drwy UCAS
STEM Gwyddoniaeth, Technoleg, Peirianneg a Mathemateg (Ffrwd Electronig)
Rhaglen Sylfaen 1 Flwyddyn (Lefel 3 i 4)
Cod UCAS: STE6
Gwnewch gais drwy UCAS
CADW LLE AR DDIWRNOD AGORED CAIS AM WYBODAETH blog cyfrifiadur
Ffioedd Dysgu 2023/24:
Cartref: (Llawn-amser): £9,000 y flwyddyn
Tramor (Llawn-amser): £13,500 y flwyddyn
Pam dewis y cwrs hwn?
- Mae’r cynllun gradd hwn wedi’i ddylunio i gynhyrchu graddedigion sydd â’r medrau addas i weithio yn niwydiant systemau cyfrifiadura a gwybodaeth y DU sy’n tyfu’n gyflym. Trwy ein cysylltiadau diwydiannol, rydym hefyd wedi datblygu strwythur rhaglen i roi i fyfyrwyr y sgiliau diweddaraf ynghyd â gwerthfawrogiad o ofynion y diwydiant. Bydd myfyrwyr yn cael llawer o brofiad o dechnolegau modern.
- Dylai’r sawl sy’n gwneud cais i’r rhaglen hon fod yn rifog a chanddynt feddwl rhesymegol, ac mae’n debygol eu bod cynt wedi astudio peirianneg, gwyddoniaeth, mathemateg neu dechnoleg gwybodaeth a chyfathrebu. Bydd y cyfryw fyfyrwyr yn ceisio sgiliau caledwedd, meddalwedd ac electroneg.
- Byddant yn ceisio dod yn arbenigwyr cyfrifiadurol sy’n deall caledwedd, meddalwedd ac agwedd gyfathrebu systemau cyfrifiadurol ac electronig. Byddai graddedigion yn chwilio am swyddi fel peirianwyr dylunio, peirianwyr dylunio electroneg, peirianwyr systemau cyfathrebu ayb
Beth fyddwch chi'n ei ddysgu
Bydd y cwrs BEng/HND/HNC Peirianneg Electroneg hwn yn datblygu gwybodaeth o systemau caledwedd a meddalwedd sydd ei angen ar gyfer cyfrifiaduron modern. Hefyd, mae’n canolbwyntio ar electroneg analog, electroneg ddigidol, microbroseswyr a phrosesu signalau digidol a chyfathrebu.
Rhoddir pwyslais ar ymarferion ymarferol i atgyfnerthu’r cysyniadau damcaniaethol a drafodir mewn darlithoedd. Gwneir defnydd helaeth o becynnau meddalwedd o safon ddiwydiannol, fel Matlab, Xilinx, Mentor Graffics a Visual Development Studio Microsoft.
Mae gan yr Ysgol systemau prosesu signalau digidol a datblygu synthesis digidol sy’n bosibl drwy gyfraniadau offer gan Xilinx a Texas Instruments, mae hyn yn rhoi cyfle i fyfyrwyr gael profiad uniongyrchol o’r dechnoleg orau sy’n cael ei defnyddio ar hyn o bryd yn y diwydiant.
Cafwyd newid mewn tueddiad o gwmnïau dylunio a gweithgynhyrchu ar raddfa fawr i FBaChau bach, uchel eu sgil. Felly, gall myfyrwyr yn y cyfryw amgylchedd fod ag agen ystyried dechrau eu busnes eu hunain.
Nod gyffredinol y rhaglen hon yw datblygu myfyrwyr sydd â’r medrau i weithio yn y diwydiannau systemau cyfrifiadura ac electroneg. Trwy nifer o gysylltiadau diwydiannol, mae’r ysgol wedi sefydlu galw diwydiannol cryf am y rhaglen hon. Caiff yr arbenigedd a’r sgiliau y byddwch yn eu datblygu wrth greu a rheoli datrysiadau meddalwedd a chaledwedd fel rhan o dîm eu parchu’n fawr gan gyflogwyr.
Tyst AU STEM (Electroneg)
- Sgiliau Academaidd (20 credyd; gorfodol)
- Dadansoddi a Datrys Problemau (20 credyd; gorfodol)
- Prosiect Integreiddiol (20 credyd; gorfodol)
- Cyflwyniad i Systemau Cyfrifiadurol (20 credyd; gorfodol)
- Cyflwyniad i Electroneg (20 credyd; gorfodol)
- Cyflwyniad i Fathemateg a Gwyddoniaeth (20 credyd; gorfodol).
Blwyddyn Un – Lefel 4 – BEng/HND/HNC
- Hanfodion Systemau Cyfrifiadurol (10 credyd; gorfodol)
- C wedi’i ymgorffori (‘Embedded C’) (20 credyd; gorfodol)
- Egwyddorion Trydanol ac Electronig (20 credyd; gorfodol)
- Dysgu yn yr Oes Ddigidol (20 credyd; gorfodol; modwl y Fframwaith Priodoleddau Graddedigion)
- Mathemateg (20 credyd; gorfodol)
- Signalau a Systemau (10 credyd; gorfodol)
- Meicros, Perifferolion a Rhyngwynebau (20 credyd; gorfodol)
Sylwer: Bydd myfyrwyr HNC yn astudio’r modylau uchod dros 2 flynedd, rhan amser.
Blwyddyn Dau – Lefel 5 BEng/HND
- Ysgogwyr newid: Creadigrwydd a Chreu Gwerth (20 credyd; gorfodol; modwl Fframwaith Priodoleddau Graddedigion)
- Prosesu Signalau Digidol a Chyfathrebu (10 credyd; gorfodol)
- Ymbelydredd Electromagnetig (20 credyd; gorfodol)
- Electroneg 1 (20 credyd; gorfodol)
- Systemau Amledd Radio (10 credyd; gorfodol)
- Prosiect Grŵp (20 credyd; gorfodol)
- Systemau Deallusrwydd Gwasgaredig (20 credyd; gorfodol)
Blwyddyn Tri – Lefel 6 BEng
- Systemau Amledd Radio Uwch (20 credyd; gorfodol)
- Electroneg 2 (20 credyd; gorfodol)
- Dylunio Systemau Electronig (20 credyd; gorfodol)
- Prosesu Signalau Digidol a Chyfathrebu Uwch (20 credyd; gorfodol)
- Prosiect Annibynnol (40 credyd; gorfodol; modwl y Fframwaith Priodoleddau Graddedigion)
Nod yr Ysgol Cyfrifiadura Cymhwysol yw cynhyrchu graddedigion sy’n helpu i siapio dyfodol cyfrifiadura ac electroneg. Mae cynnwys y cwrs yn gyfoes ac wedi’i lunio er mwyn annog cyflogadwyedd drwy gysylltiadau agos gyda chyflogwyr lleol a chenedlaethol.
Caiff myfyrwyr eu hasesu trwy gyfuniad o asesiadau ymarferol yn y labordy, aseiniadau, cyflwyniadau, prosiectau ac arholiadau. Yn aml, caiff modylau eu hasesu drwy aseiniadau, neu aseiniadau ac arholiadau. Gall y marc terfynol ar gyfer rhai modylau gynnwys gosod a chwblhau un neu fwy darn o waith cwrs yn ystod y modwl. Caiff gwaith prosiect ei asesu gan adroddiad ysgrifenedig a chyflwyniad.
Anogir myfyrwyr i ddefnyddio ein cysylltiadau gyda Chynghrair Meddalwedd Cymru a Go Wales i weithio ar gynlluniau masnachol ar gyfer eu modwl Prosiect Mawr. Mae Go Wales yn darparu’r cyfle i fynd ar leoliadau gwaith â chyflog gyda busnesau lleol.
Dolenni Cysylltiedig
Gwybodaeth allweddol
- Beverley Holland
- Dr Stephen Mosey
- Gareth Jones
- Gaynor Thomas
- Gordon Dickers
- Tim Bashford
Cynnig Safon Uwch Nodweddiadol:
104 pwynt tariff UCAS gan gynnwys:
- Dwy radd C Safon Uwch/AVCE; neu
- Diploma Cenedlaethol BTEC graddau Teilyngdod, Teilyngdod, Teilyngdod; neu
- Tystysgrif Genedlaethol BTEC graddau Teilyngdod, Pas; neu
- NVQ Lefel 3 - Pas
Sylwer y dylai/gall pynciau Lefel Uwch gynnwys Mathemateg, TGCh, Ffiseg neu debyg. Mae TGAU Mathemateg gradd C neu uwch yn ddymunol.
Cynnig Safon Uwch Nodweddiadol ar gyfer HND:
48 pwynt tariff UCAS gan gynnwys:
- Un radd C Safon Uwch/AVCE; neu
- Diploma Cenedlaethol BTEC graddau Pas, Pas, Pas; neu
- Tystysgrif Genedlaethol BTEC graddau Pas, Pas; neu
- NVQ Lefel 3 - Pas
Dylai pynciau Lefel Uwch gynnwys, Mathemateg, TGCh, Ffiseg neu debyg.
Mae TGAU Mathemateg gradd C neu uwch yn ddymunol.
Cynnig Bagloriaeth Ryngwladol Nodweddiadol:
Cysylltwch â computing@uwtsd.ac.uk am ragor o wybodaeth.
Arall:
Rydym yn croesawu ceisiadau gan y rheiny sy’n cynnig cymwysterau amgen. Cysylltwch â computing@uwtsd.ac.uk am ragor o wybodaeth.
Blwyddyn Sylfaen mewn STEM – COD UCAS: HR3U
Byddai ymgeiswyr y rhaglen hon yn meddu ar feddwl technegol ac efallai eu bod wedi astudio peirianneg, cyfrifiadura neu’r gwyddorau o’r blaen.
Byddant yn ceisio dod yn arbenigwyr cyfrifiadurol sy’n deall caledwedd, meddalwedd ac agwedd gyfathrebu systemau cyfrifiadurol ac electronig. Byddai graddedigion HND yn chwilio am swyddi technegydd dylunio rhwydwaith, technegydd dylunio electroneg, technegydd systemau cyfathrebu, ayb.
Dyma broffiliau rhai o raddedigion y rhaglen hon a lle maen nhw nawr:
Ceir tystebau gan raddedigion eraill.
- Mae’n bosibl cwblhau’r rhaglen astudio hwn heb unrhyw gostau ychwanegol.
- Efallai bydd myfyrwyr yn dymuno prynu deunyddiau ar gyfer modylau, megis y prosiect mawr ond nid yw hyn yn ofynnol, ac ni fydd yn effeithio ar y marc terfynol.
- Teithiau astudio (Dewisol) – Ymweliadau â diwydiant a drefnir gan yr Ysgol yn y DU neu Ewrop
- (Ar gyfer teithiau yn y DU tua £50 / Ar gyfer teithiau yn Ewrop tua £200)
- Cydnabyddir, er enghraifft, y gallai’r union gostau’n gysylltiedig â thaith maes amrywio o flwyddyn i flwyddyn.
Rhys Brown Peirianneg Drydanol
"Y peth gorau am y cwrs oedd ansawdd y dysgu."
Ewch i ymweld â’n hadran Ysgoloriaethau a Bwrsarïau.
Amherthnasol
Ewch i’n hadran Llety Abertawe i ddysgu rhagor.
