Peirianneg Fodurol, Mecanyddol a Thrydanol
Rhowch eich troed ar y sbardun gyda’n rhaglenni Peirianneg Fodurol, Mecanyddol a Thrydanol, lle mae dyluniad, datblygiad a gwaith cynnal a chadw cerbydau, peiriannau, a thechnolegau modern yn cael blaenoriaeth yn eich profiad dysgu. Mae’r rhaglenni hyn yn ffurfio clwstwr cynhwysfawr, a chewch ddewis rhaglen a fydd yn eich cludo i fyd o bosibiliadau ac yn eich galluogi i gymryd yr awenau o ran eich dyfodol chi.
Byddwch yn dysgu sgiliau sylfaenol peirianneg yn ogystal â’r sgiliau arbenigol y byddwch chi eu hangen yn y sectorau traddodiadol a’r sectorau sy’n datblygu. Mae cydweithio yn rhan allweddol o’r diwydiant, a byddwch yn datblygu’r sgiliau hyn mewn amgylchedd rhyngddisgyblaethol.
Ein nod yw datblygu graddedigion cyflogadwy sy’n hyderus ac yn barod ar gyfer y gweithlu, ac sydd â sgiliau trosglwyddadwy a sgiliau rhyngbersonol a fydd yn eu gosod ar ben ffordd mewn byd gwaith sy’n esblygu.
Rydym yn credu bod sgiliau peirianneg ddadansoddol a phrofiad ymarferol yn cyd-fynd law yn llaw. Pan fyddwch chi’n astudio unrhyw un o’n rhaglenni Peirianneg Fodurol, Mecanyddol a Thrydanol, byddwch yn cael y profiad hwn trwy weithio a dysgu ar ein campws pwrpasol, modern a blaengar.
Cewch gwrdd â siaradwyr gwadd o’r diwydiannau a’r cwmnïau hynny y mae ein myfyrwyr yn awyddus i weithio â hwy. Byddwn yn darparu adnoddau amhrisiadwy pan fyddwch yn astudio gyda ni, gan gyflwyno profiadau a gwybodaeth o’r byd go iawn yn yr ystafell ddosbarth. Cewch gyfleoedd i feithrin cysylltiadau â’r diwydiant, a dod i adnabod gweithwyr proffesiynol yn y meysydd sydd o ddiddordeb i chi.
Ar rai rhaglenni, bydd ein myfyrwyr yn gallu parhau i ddatblygu’r sgiliau a ddysgwyd yn yr ystafell ddosbarth gyda chyfleoedd i weithio ar leoliadau ac interniaethau. Byddwch yn ennill mwy na chymhwyster gradd ar ddiwedd eich amser gyda ni; rydym yn grediniol y dylem helpu ein myfyrwyr i ddatblygu gyrfaoedd. Yn ein dosbarthiadau bychain, rydym yn meithrin y sgiliau trosglwyddadwy a rhyngbersonol hynny a fydd yn hanfodol i’ch gyrfaoedd yn y dyfodol.
Pam astudio Peirianneg Chwaraeon Moduro, Fecanyddol a Thrydanol yn PCYDDS?
Clearing
Mae Clirio ar Agor
Spotlights
Cyfleusterau
Cewch brofiad ymarferol yn ein Hardal Arloesi SA1 pwrpasol o’r radd flaenaf sy’n cynnwys gweithdai, labordai a thechnolegau diweddaraf y diwydiant gan eich galluogi i ragori yn eich astudiaethau.
Cewch fynediad i’r gwahanol feddalwedd a chaledwedd sydd eu hangen arnoch i ragori yn eich astudiaethau.
Straeon Myfyrwyr Peirianneg Fodurol, Mecanyddol a Thrydanol
Profiad Ragulan Pulanthitan ar BEng Peirianneg Modurol
Profiad Max Hart ar BEng Peirianneg Fodurol
Profiad David Migliorati N’Doua ar BEng Peirianneg Beiciau Modur
Profiad Vinicius Dreher ar BEng Peirianneg Beiciau Modur
Profiad Ilias Iatrakis ar BEng Peirianneg Beiciau Modur
Profiad Daniel Richards ar BEng Anrh Peirianneg Drydanol ac Electronig (Rhan-amser)
Profiad Oliver Kucyj ar BEng Peirianneg Drydanol ac Electronig
Timau Rasio Chwaraeon Moduro
Ym Mhrifysgol Cymru Y Drindod Dewi Sant, mae ein rhaglenni Peirianneg Chwaraeon Moduro yn cynnig cyfuniad cyffrous o brofiad ymarferol, technoleg arloesol, a chystadleuaeth byd go iawn. Nid dim ond yn yr ystafell ddosbarth y mae ein myfyrwyr yn dysgu - maent yn cymhwyso eu sgiliau ar y trac rasio, gan weithio ochr yn ochr ag ymarferwyr proffesiynol mewn amgylchedd chwaraeon moduro cystadleuol.