Pensaernïaeth, Adeiladu ac Amgylchedd
Adeiladu dyfodol cynaliadwy, deallus a gwydn gyda’n graddau arbenigol.
Ymunwch â chenhedlaeth newydd o ddatryswyr problemau sy’n llunio sut rydym yn dylunio, adeiladu a gofalu am y byd o’n cwmpas. Mae ein rhaglenni’n rhychwantu meysydd cysylltiedig Pensaernïaeth, Adeiladu achynaliadwyedd amgylcheddol, gan roi’r wybodaeth a’r profiad ymarferol i chi greu effaith ystyrlon.
Archwiliwch sut mae adeiladu, seilwaith a systemau naturiol yn cydweithio drwy ein graddau BSc Pensaernïaeth, Rheolaeth Adeiladu, Mesur Meintiau a Pheirianneg Sifil. Mae’r rhaglenni hyn yn cyfuno creadigrwydd, arbenigedd technegol, a phrofiad byd go iawn, gan eich paratoi i ddylunio gofodau arloesol, rheoli prosiectau adeiladu, a chyfrannu at ddyfodol yr amgylchedd adeiledig.
Os ydych yn angerddol am fynd i’r afael â heriau amgylcheddol byd-eang, mae ein BSc Amgylchedd, Cynaliadwyedd a Newid Hinsawdd yn eich grymuso i ddylanwadu ar bolisi, gyrru datrysiadau cynaliadwy a chefnogi prosesau gwneud penderfyniadau sy’n gadarnhaol ar ran yr hinsawdd. Ar gyfer y rheiny sydd â diddordeb mewn datrysiadau peirianneg cynaliadwy sy’n cefnogi byd carbon isel, mae BEng Ynni a Pheirianneg Amgylcheddol yn cyfuno hanfodion peirianneg gyda gwyddor amgylcheddol i’ch helpu i ddylunio systemau ynni adnewyddol a seilwaith gwydn.
Mae dysgu ymarferol wrth wraidd o’r hyn rydym yn ei wneud ar draws pob llwybr - o labordai i weithdai i waith maes a phrosiectau sy’n ymgysylltu â diwydiant. Pa bynnag gyfeiriad rydych yn ei ddewis, byddwch yn graddio gyda’r sgiliau, yr hyder a’r mewnwelediad i arwain mewn gyrfaoedd ymgynghori, adeiladu, arloesi amgylcheddol ac arweinyddiaeth gynaliadwy.
Lluniwch y byd rydym yn byw ynddo a’r dyfodol sy’n datblygu gyda gradd sy’n alinio’ch uchelgais â newid yn y byd go iawn.
Pam astudio Pensaernïaeth, Adeiladu a'r Amgylchedd yn PCYDDS?
Clearing
Dewch i ymweld â ni mewn Diwrnod Agored
Darganfyddwch fwy am eich cwrs, cwrdd â myfyrwyr presennol, y tîm addysgu, ac archwilio ein campws a’n cyfleusterau proffesiynol.
Architecture, Construction & Environment
Astudiwch yn PCYDDS a lluniwch ddyfodol cynaliadwy. Mae ein graddau mewn Amgylchedd, Cynaliadwyedd a Newid Hinsawdd, Peirianneg Ynni ac Amgylcheddol, Pensaernïaeth, Rheolaeth Adeiladu, Mesur Meintiau a Pheirianneg Sifil yn cyfuno arbenigedd technegol, creadigrwydd a phrofiad ymarferol i’ch paratoi ar gyfer gyrfaoedd mewn arweinyddiaeth cynaliadwyedd, ymgynghoriaeth, ac arloesedd adeiladu.
Rhaglenni Pensaernïaeth
BSC / MA Pensaernïaeth - graddau achrededig ARB, rydym yn cynnig llwybrau israddedig ac ôl-raddedig mewn Pensaernïaeth, sy’n caniatáu i chi symud ymlaen tuag at gymhwyster pensaer proffesiynol, a hynny oll o fewn un sefydliad. Mae ein graddau’n cyfuno creadigrwydd ag arbenigedd technegol gan eich grymuso i ddylunio gofodau cynaliadwy, ymarferol ac ysbrydoledig. Paratoir Graddedigion am yrfaoedd mewn dylunio pensaernïol, cynllunio trefol, a datblygu prosiectau - gan greu amgylcheddau sy’n gwella bywyd modern ac yn ei gyfoethogi.
Rhaglenni Adeiladu
Mae ein graddau BSc (Anrh) Adeiladu, BSc (Anrh) Mesur Meintiau a BSc (Anrh) Peirianneg Sifil yn eich paratoi i lunio dyfodol yr amgylchedd adeiledig. Byddwch yn datblygu’r sgiliau technegol, rheolaethol ac ariannol i arwain prosiectau cynaliadwy, rheoli costau’n effeithiol a dylunio seilwaith gwydn. Gyda ffocws cryf ar arloesi a chynaliadwyedd, mae graddedigion yn cael eu paratoi’n dda ar gyfer gyrfaoedd ar draws y sectorau adeiladu, peirianneg ac eiddo.
Rhaglenni Amgylcheddol
Gyrrwch newid cadarnhaol gyda’n graddau BSc (Anrh) Amgylchedd, Cynaliadwyedd a Newid Hinsawdd a BEng (Anrh) Peirianneg Ynni ac Amgylcheddol. Mae’r rhaglenni hyn wedi’u cynllunio ar gyfer y rheiny sy’n angerddol am greu dyfodol mwy gwyrdd a mwy gwydn. Byddwch yn archwilio heriau cynaliadwyedd byd eang, polisi hinsawdd ac atebion ynni adnewyddadwy, gan ennill profiad ymarferol drwy labordai, gwaith maes a phrosiectau diwydiant. Mae graddedigion yn symud ymlaen i rolau mewn ymgynghoraeth amgylcheddol, peirianneg ynni, polisi ac arweinyddiaeth gynaliadwyedd sydd wedi’u cyfarparu i helpu i arwain y newid i fyd carbon isel.
Spotlights
Cyfleusterau Peirianneg Sifil a Phensaernïaeth
Mae mannau stiwdio penodedig ar gael yn ein Hardal Arloesi bwrpasol yng nghanol cymuned llawn addewid SA1 Abertawe. Bydd myfyrwyr yn cael mynediad i weithfannau pwrpasol â chyfrifiaduron personol o fewn y stiwdio gyda phecynnau meddalwedd fel AutoCAD, Revit, Sketchup a’r casgliad llawn o raglenni Adobe CCS gyda phlotyddion A1 cysylltiedig.
Gall myfyrwyr gael mynediad at gyfleusterau gweithdy gyda chyfleusterau gwneud modelau traddodiadol a chyfrifiadurol amrywiol, fel argraffwyr 3D a thorri laser. Gyda chefnogaeth gan *CWIC*, bydd gennych fynediad at ddatblygu technolegau fel dronau ac offer Realiti Rhithwir.
Cyfleusterau Amgylchedd, Ynni a Chynaliadwyedd
Gyda chyfleusterau o’r radd flaenaf, yn cynnwys labordai amgylcheddol ac adnoddau ar gyfer gwaith maes, bydd gennych fynediad i brofiadau dysgu ymarferol. Mae ein hamgylchoedd hardd, o benrhyn eithriadol Gŵyr i’r Bannau Brycheiniog syfrdanol, yn cynnig y gefnlen berffaith ar gyfer dysgu ac archwilio.
Straeon Peirianneg Sifil a Phensaernïaeth
Profiad Drew Dennehy ar BSc Pensaernïaeth
Profiad Jon Langstone ar BSc Rheolaeth Adeiladu.
Profiad Jacob Davies-Hannen ar BSc Pensaernïaeth.
Straeon Yr Amgylchedd, Ynni a Chynaliadwyedd
Profiad Milena Tomaszewska ar BEng Peirianneg Ynni ac Amgylcheddol
Profiad Rowan Jack Moses yn PCYDDS.
Profiad Ioan Jeffries yn PCYDDS.
Profiad Rebecca Macfarlane yn PCYDDS.
News
Newyddion
Mae myfyrwyr Meistr ym Mhrifysgol Cymru Y Drindod Dewi Sant wedi clywed sut mae canlyniadau gwastraff wedi'i reoli'n wael yn y byd go iawn yn effeithio ar y wlad.
Mae myfyrwyr pensaernïaeth Prifysgol Cymru Y Drindod Dewi Sant yn helpu trigolion Abertawe i ddweud eu dweud ar ddyfodol parciau'r ddinas. Fel rhan o ymgynghoriad cyhoeddus mawr, cefnogodd myfyrwyr ddigwyddiad ymgysylltu cymunedol yn Siop Wybodaeth Un Stop Amgueddfa Genedlaethol y Glannau ar 3 Tachwedd, gan gasglu mewnwelediadau gwerthfawr i lunio gweledigaeth newydd feiddgar ar gyfer mannau gwyrdd Abertawe.
Mae myfyriwr Prifysgol Cymru Y Drindod Dewi Sant (PCYDDS) Luca Burgess wedi dychwelyd o interniaeth ysbrydoledig fis o hyd yn Barcelona, lle cafodd profiad ymarferol mewn cynaliadwyedd amgylcheddol a chydweithredu rhyngwladol.
O Barcelona i Tokyo, o Fflorida i Beijing, mae myfyrwyr ym Mhrifysgol Cymru Y Drindod Dewi Sant (PCYDDS) wedi dweud bod eu lleoliadau tramor wedi "newid eu bywydau" ac yn "gyfle unwaith mewn oes". Trwy raglen Symudedd Rhyngwladol PCYDDS, mae myfyrwyr yn darganfod diwylliannau newydd, yn datblygu sgiliau gwerthfawr, ac yn creu atgofion a fydd yn aros gyda nhw ymhell ar ôl graddio.
I Rowan Moses, a raddiodd o raglen gradd Amgylchedd, Cynaliadwyedd a Newid Hinsawdd Prifysgol Cymru Y Drindod Dewi Sant (UWTSD), roedd y llwybr i astudiaethau amgylcheddol yn un wedi'i wreiddio mewn profiad ymarferol ac argyhoeddiad personol dwfn.
