Prentisiaeth mewn Gweithrediadau a Gweithgynhyrchu Uwch (BEng Anrh)
Mae’r Radd-brentisiaeth Gweithgynhyrchu a Gweithrediadau Uwch (BEng Anrh) ym Mhrifysgol Cymru Y Drindod Dewi Sant yn cynnig llwybr ymarferol a hyblyg i’r rhai sydd am ddatblygu eu gyrfaoedd yn y sector gweithgynhyrchu. Mae’r rhaglen ran-amser hon yn ddelfrydol ar gyfer darpar weithwyr proffesiynol a gweithwyr profiadol sy’n ceisio dyfnhau eu harbenigedd ym maes peirianneg gweithgynhyrchu a gweithgynhyrchu uwch.
Wedi’i gynllunio i gydbwyso astudiaeth academaidd â defnyddiau yn y byd go iawn, mae’r cwrs hwn yn eich galluogi i ennill profiad diwydiannol gwerthfawr heb amharu ar eich cyflogaeth. Gydag amserlen hyblyg, gallwch ddatblygu sgiliau proffesiynol newydd ac ehangu eich gwybodaeth wrth barhau yn eich rôl bresennol.
Mae’r rhaglen yn ffocysu ar adeiladu sylfaen gadarn mewn egwyddorion peirianneg, archwilio tueddiadau blaengar mewn gweithgynhyrchu uwch, a chymhwyso’r rhain i sefyllfaoedd byd go iawn. Byddwch yn ymdrin â meysydd allweddol fel awtomeiddio, systemau rheoli ac arferion cynaliadwyedd, gan sicrhau eich bod yn barod i fynd i’r afael â heriau diwydiant sy’n datblygu’n gyflym.
P’un a ydych chi’n dechrau yn y sector gweithgynhyrchu neu’n dymuno ffurfioli’ch sgiliau presennol gyda gradd gydnabyddedig, mae’r brentisiaeth hon yn rhoi’r sgiliau a’r hyder i chi ragori. Mae’r cyfuniad o hyfforddiant ymarferol a dysgu academaidd yn eich paratoi ar gyfer rolau arwain a gwaith arloesol ym maes peirianneg gweithgynhyrchu.
Mae’r rhaglen hon hefyd yn gyfle gwerthfawr i ennill cymhwyster uchel ei barch wrth ennill profiad uniongyrchol yn y gweithle. Trwy uno dysgu ymarferol â mewnwelediadau damcaniaethol, mae’n cefnogi eich datblygiad gyrfaol ac yn sicrhau eich bod yn barod i fodloni gofynion gweithgynhyrchu modern.
Mae’r Radd-brentisiaeth Gweithgynhyrchu a Gweithrediadau Uwch yn darparu ymagwedd flaengar at ddatblygiad proffesiynol, sy’n ei gwneud yn ddewis delfrydol i unrhyw un sy’n dymuno tyfu o fewn y diwydiant gweithgynhyrchu.
Manylion y cwrs
- Prentisiaethau
- Llawn amser
- Saesneg
Ffioedd wedi eu talu gan Lywodraeth Cymru. Dim cost i’r Prentis nac i’r cyflogwr.
Pam dewis y cwrs hwn
Beth fyddwch chi'n ei ddysgu
Mae’r rhaglen hon yn cyfuno systemau dylunio peirianneg, awtomeiddio a gweithgynhyrchu â modylau sy’n canolbwyntio ar gynaliadwyedd, gwella prosesau a rheoli ansawdd. Byddwch yn ennill gwybodaeth ddamcaniaethol a phrofiad ymarferol trwy brosiectau a lleoliadau sy’n berthnasol i’r diwydiant.
Pynciau a Chredydau Modylau
Blwyddyn Un
Adeiladwch sylfaen gref mewn egwyddorion peirianneg, gan gynnwys mathemateg, prosesu defnyddiau, a gwella ansawdd.
Blwyddyn Dau
Dysgwch am ddylunio prosiectau a chynaliadwyedd wrth wella eich gwybodaeth am systemau rheoli drwy gymwysiadau ymarferol.
Blwyddyn Tri
Byddwch yn archwilio methodolegau Six Sigma, dylunio gweithgynhyrchu uwch, a systemau awtomeiddio.
Blwyddyn 4
Byddwch yn canolbwyntio ar arweinyddiaeth ac arloesi trwy brosiect ymchwil mawr ac astudiaethau technegol uwch.
Gorfodol
(20 credydau)
(20 credydau)
(20 credydau)
Pas Cydran
(20 credydau)
Craidd
(20 credydau)
(40 credydau)
Gorfodol
(20 credydau)
(20 credydau)
Craidd
(20 credydau)
Gorfodol
(20 credydau)
(20 credydau)
(20 credydau)
Pas Cydran
(20 credydau)
Craidd
(40 credydau)
Gorfodol
(20 credydau)
(20 credydau)
Ymwrthodiad
-
Mae’r modylau a amlinellir uchod yn enghreifftiau o’r hyn y gallwch ddisgwyl ei ddysgu ar y cwrs hwn yn seiliedig ar addysgu academaidd diweddar. Rydym yn adolygu ein cyrsiau yn barhaus i sicrhau bod yr ansawdd yn cael ei wella ac er mwyn rheoli ein hadnoddau. Gall yr union fodylau sydd ar gael i chi yn y dyfodol amrywio yn amodol ar argaeledd a diddordebau ymchwil staff, pynciau astudio newydd, amserlennu a galw myfyrwyr. Os yw eich cwrs yn cynnwys modylau dewisol, diben rhain yw darparu elfen o ddewis o fewn y cwrs. Gall argaeledd modylau dewisol amrywio o flwyddyn i flwyddyn a byddant yn amodol ar gyflawni isafswm niferoedd myfyrwyr. Golyga hyn na ellir gwarantu argaeledd modylau dewisol penodol.
Fel arfer, byddwch yn cwblhau 120 credyd y flwyddyn astudio ar gwrs llawn amser. I gael rhagor o wybodaeth ewch i’n Cytundeb Myfyrwyr.
tysteb
Staff
Ein Pobl
Cewch chi eich dysgu a’ch cefnogi gan ystod eang o staff a thimau proffesiynol yma i’ch helpu i gael y profiad prifysgol rydych chi’n chwilio amdano. Roedd ein staff addysgu yn 2il yng Nghymru am Addysgu, Asesu ac Adborth a Chymorth Academaidd (ACF 2024) sy’n golygu y bydd y cymorth a’r adborth a gewch chi yn eich helpu chi i ddysgu a datblygu sgiliau academaidd cryf. Mae ein myfyrwyr wedi ein rhoi ni yn 1af yng Nghymru am Gyfleoedd Dysgu a Llais Myfyrwyr (ACF 2024) sy’n golygu bod ystod eang o gyfleoedd ar gael i wella eich astudiaethau a bod myfyrwyr yn chwarae rhan weithredol wrth lunio eu profiadau dysgu. Mae ein hymrwymiad i’ch dysgu chi wedi golygu bod ein myfyrwyr yn ein rhoi ni yn 1af yng Nghymru ac yn gydradd 3ydd yn y DU am foddhad myfyrwyr (Times Higher Education, 2024, mesur ‘Positifrwydd Cyffredinol’). Dysgwch ragor am ein staff academaidd sy’n addysgu ar draws ein cyrsiau.
Gwybodaeth allweddol
-
112 o bwyntiau tariff UCAS
-
e.e. Safon Uwch: BBC, BTEC: DMM, IB: 32
Mae’r sgôr tariff UCAS yn berthnasol i chi os ydych chi wedi astudio cymhwyster yn ddiweddar sy’n gyfwerth â thariff UCAS . Mae UCAS yn darparu cyfrifiannell tariff er mwyn i chi weithio allan beth yw gwerth eich cymhwyster o fewn tariff UCAS.
TGAU
Mae angen TGAU gradd A*-C (gradd 9-4 yn Lloegr) mewn Saesneg a Mathemateg hefyd.
Llwybrau mynediad amgen
Os ydy’r cwrs hwn o ddiddordeb i chi, ond nid yw’r gofynion mynediad gennych i ymuno â’n gradd baglor, gallech ystyried:
-
‘gyda Blwyddyn Sylfaen’. Mae’r llwybr hwn wedi’i gynllunio i roi cymorth ychwanegol i chi am ei fod yn rhoi blwyddyn ychwanegol (llawn amser) i chi o astudio wedi’i gefnogi.
Unwaith y byddwch chi wedi cwblhau eich astudiaethau Blwyddyn Sylfaen, byddwch yn symud ymlaen yn awtomatig i’r brif radd.
-
Tystysgrif Addysg Uwch (TystAU). Cwrs un flwyddyn yw hwn ac mae’n gyfwerth â blwyddyn gyntaf y radd baglor tair blynedd, llawn amser.
Unwaith y byddwch wedi cwblhau eich astudiaethau TystAU, byddwch yn gymwys i symud ymlaen i’r ddwy flynedd sy’n weddill o’r radd baglor.
Mae’r rhain yn llwybrau delfrydol os ydych yn dychwelyd i astudio ar ôl seibiant, neu os nad ydych wedi astudio’r pwnc hwn o’r blaen, neu os na wnaethoch chi gyflawni’r graddau sydd eu hangen i gael lle ar y radd hon.
Cyngor a Chymorth Derbyn
Efallai y gwnawn ni roi cynnig is i chi yn seiliedig ar ystod o ffactorau, fel eich cefndir, profiadau ac amgylchiadau unigol. Gelwir hyn yn‘’Derbyniadau Cyd-destunol’. I gael cyngor a chymorth penodol, gallwch gysylltu â’n tîm ymholiadau i gael rhagor o wybodaeth am ofynion mynediad.
-
-
Addysgir myfyrwyr trwy gyfres o ddarlithoedd, tiwtorialau, labordai a sesiynau ymarferol. Caiff cynnydd ei asesu drwy aseiniadau, arholiadau a phrosiectau unigol.
Un o brif rannau’r flwyddyn olaf fydd prosiect y flwyddyn olaf. Prosiect seiliedig ar waith yw hwn a fydd yn caniatáu i fyfyrwyr ddefnyddio’r wybodaeth a ddatblygwyd yn ystod y cwrs i ddatrys problem beirianneg ddilys o’r gweithle.
-
Cyfleoedd Cymraeg Allgyrsiol
Yn ogystal, mae llawer o ffyrdd i ymgysylltu â’r diwylliant a bywyd Cymreig yn PCYDDS, gan gynnwys ymuno â chlybiau a chymdeithasau ar gyfer siaradwyr Cymraeg ac ymuno â Changen fywiog y Coleg Cymraeg Cenedlaethol.
Cyfleoedd i Ddysgu Cymraeg
Rydym hefyd yn darparu amrywiaeth o gyfleoedd i ddysgu ac i ddatblygu eich sgiliau Cymraeg.
-
I wneud cais, rhaid i chi fod yn gweithio mewn rôl berthnasol a bod gennych gefnogaeth eich cyflogwr.
Dechreuwch drwy gofrestru eich diddordeb trwy ein tudalen Ceisio am Brentisiaethau. Ar ôl adolygu eich gwybodaeth, bydd y Tîm Prentisiaethau yn cysylltu â chi i gadarnhau eich cymhwysedd a’ch tywys drwy’r broses ymgeisio. I gael rhagor o gymorth, cysylltwch â’r Tîm Prentisiaethau.